Më 21 shkurt 2006, në zonën e Kentit, në jug të Anglisë, ndodhi grabitja e një depoje të Bankës së Anglisë, ku u vidhën 53 milionë stërlina. Nga kjo shumë, 32 milionë stërlina nuk u rikthyen kurrë.
Dy emigrantë shqiptarë nga Tropoja, Jetmir Bucpapa dhe Ermir Hysenaj, u përfshirë në grupin e grabitësve. Ermir Hysenaj punonte në depo, ku sistemoheshin paratë për automatet e bankave. Ai u cilësua si "njeriu i brendshëm" nga prokurori gjatë gjyqit në Old Bailey. Hysenaj filmoi me kamerë të fshehtë hyrjet, daljet dhe sistemet e alarmit, si dhe përgatiti një hartë me planimetrinë e depos.
Të dhënat i kaloi Jetmir Bucpapës, i cili punonte roje sigurie në lokale nate të Kentit dhe kishte lidhje me krimin e organizuar. Bucpapa u akuzua si pjesëmarrës në rrëmbimin e menaxherit të depos, Colin Dixon. Para grabitjes, banda rrëmbeu Dixon-in në rrugë drejt punës, ndërsa gruaja dhe djali i tij u morën peng në shtëpi.
Detajet e operacionit
Shtatë grabitës, me maska dhe armë zjarri – përfshirë një automatik Skorpion dhe një pushkë gjahu – i lidhën punonjësit e të tmerruar dhe i mbyllën në kafazet e parave. Gjykatësi e cilësoi operacionin si të realizuar me "disiplinë ushtarake".
Gjyqi dhe pasojat
Bucpapa dhe Hysenaj u arrestuan disa javë pas ngjarjes. Pas një gjyqi disa mujor në 2007, u shpallën fajtorë. Pas vuajtjes së dënimit, të dy u dëbuan në Shqipëri.