Gjykata Themelore në Pejë, Departamenti për Krime të Rënda, me gjyqtarin e procedurës paraprake Musë Povataj, ka caktuar masën e paraburgimit në kohëzgjatje prej 30 ditësh ndaj të pandehurit K.M., pas kërkesës së Prokurorisë Themelore në Pejë – Departamenti për Krime të Rënda.
Masa është caktuar për shkak të dyshimit të bazuar se i pandehuri ka kryer veprën penale “Vrasje e rëndë e mbetur në tentativë”, të paraparë në nenin 173 paragrafi 1 nënparagrafi 1.3 lidhur me nenin 28 të Kodit Penal të Republikës së Kosovës. Paraburgimi është caktuar në bazë të kushteve ligjore të Kodit të Procedurës Penale dhe fillon nga data 6 shkurt 2026, ora 04:00, deri më 6 mars 2026.
Sipas vendimit, masa e paraburgimit do të mbahet fillimisht në Repartin e Psikiatrisë në Pejë, për aq kohë sa vlerësohet i nevojshëm trajtimi shëndetësor i të pandehurit, ndërsa më pas do të dërgohet në Qendrën e Paraburgimit.
Ngjarja ka ndodhur në fshatin Isniq të Deçanit, ku K.M. dyshohet se ka goditur me sëpatë babanë e tij A.Musshabanaj. Policia e Kosovës për rajonin e Pejës u njoftua nga Qendra e Mjekësisë Familjare rreth orës 15:35 të ditës së mëparshme. Zëdhënësi Fadil Gashi konfirmoi se personi i lënduar u dërgua në emergjencën e Pejës për shkak të lëndimeve të rënda, ndërsa prokurorja e shtetit autorizoi hetimet nga sektori i hetimeve rajonale.
Përditësime
Fadil Gashi, zëdhënës i Policisë së Kosovës, deklaroi: "I dyshuari K.A., 28 vjeç, dyshohet se ka goditur babain e tij me sëpatë gjatë një grindjeje familjare në Carrabreg të Deçanit. Gjykata Themelore në Pejë i ka caktuar masën e paraburgimit për 30 ditë."