Në Këlcyrë të qarkut të Gjirokastrës, më 14 janar, u raportua një rast dhune në familje ndaj një gruaje 30-vjeçare. Pas një konflikti familjar, ajo u mor me forcë në automjet nga familjarët dhe më pas u dhunua nga vëllai dhe xhaxhai i saj në banesën e këtij të fundit.
Sipas njoftimit të Policisë së Gjirokastrës, Specialistët për Hetimin e Krimeve të Komisariatit të Policisë Gjirokastër referuan materialet në Prokurori. Aty nisi procedimi penal për shtetasit A. A., 34 vjeç, S. A., 53 vjeç, dhe E. M., 51 vjeç, të tre banues në Tiranë, si dhe për shtetasin L. L., 43 vjeç, banues në Këlcyrë.
Dyshohet se A. A., S. A. dhe E. M. kanë marrë me forcë në automjet motrën e 34-vjeçarit, njëkohësisht mbesë të 53-vjeçarit. Më pas, 30-vjeçarja dyshohet se u dhunua nga vëllai dhe xhaxhai i saj në shtëpinë e këtij të fundit. Gjithashtu, 43-vjeçari dyshohet se ka pasur dijeni për ngjarjen dhe nuk e ka kallëzuar në polici.
Hetimet paraprake tregojnë se konflikti mund të lidhet me një çështje divorci, pasi 30-vjeçarja dëshironte të ndahej, ndërsa familja ishte kundër. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.