Një konflikt familjar në fshatin Kreshpan të Fierit ka degjeneruar në dhunë fizike dhe përdorim arme.
Specialistët për Hetimin e Krimeve të Komisariatit të Policisë Fier arrestuan shtetasin A. M., 43 vjeç, banues në fshatin Kreshpan, pasi për motive të dobëta ka ushtruar dhunë ndaj xhaxhait të tij, shtetasit H. M., dhe djalit të tij, shtetasit A. M., si dhe i ka dëmtuar automjetin.
Gjithashtu, për këtë rast, u procedua në gjendje të lirë shtetasja E. M., 37 vjeçe, pasi ka ndërhyrë në konflikt duke ushtruar dhunë ndaj kunatit të saj, shtetasit të arrestuar A. M., dhe babait të tij, shtetasit F. M..
Në të njëjtin konflikt, u shpall në kërkim shtetasi E. M., 22 vjeç, i afërm i tyre, pasi ka qëlluar në ajër me armë gjahu, të cilën e posedonte pa leje. Arma e gjahut u sekuestrua në cilësinë e provës materiale,
sipas njoftimit zyrtar të policisë.