Policia e Fierit ka kryer dy arrestime për veprimtarinë kriminale të armëmbajtjes pa leje. Specialistët për Hetimin e Krimeve të Komisariatit të Policisë Fier organizuan operacionin bazuar në informacione për posedim arme.
Dori Lamkaj, 52 vjeç, u arrestua në flagrancë. Gjatë kontrollit në banesën e tij u gjetën dhe sekuestruan një armë zjarri tip pistoletë, një fishek arme zjarri si dhe një palë pranga të ngjashme me ato të Policisë, në cilësinë e provës materiale.
Në të njëjtën kohë u arrestua Romeo Çako, 34 vjeç, i cili ishte shpallur në kërkim. Gjykata e Fierit caktoi ndaj tij masën e sigurisë arrest me burg, pasi dyshohet se më 21 nëntor 2025, gjatë një konflikti, ka qëlluar në ajër me armë zjarri tip automatik.
Materialet procedurale iu referuan Prokurorisë së Fierit për veprime të mëtejshme.