Jusmitawati, një grua 35-vjeçare në Indonezi, humbi jetën të dielën e kaluar në lumin Luan Boya pas sulmit nga një krokodil. Ajo kishte shkuar me një shoqe për të mbledhur midhje.
Sipas dëshmitarëve, Jusmitawati u fut më thellë në lumë e vetme dhe u zhduk nën ujë, ndërsa shoqja e saj mbeti në breg. Në vendngjarje mbërriti bashkëshorti i saj, i cili filloi ta kërkonte.
Krokodili u shfaq në sipërfaqen e ujit duke mbajtur trupin e gruas në nofullat e tij. Pavarësisht përpjekjeve të bashkëfshatarëve për ta larguar, krokodili nuk e lëshoi trupin.
Më në fund, një banor i zonës e qëlloi krokodilin në fytyrë ose kokë, duke e detyruar të largohej nga trupi i Jusmitawati. Ngjarja u raportua më 18 shkurt 2026.