Një shofer 48-vjeçar u shpëtua të shtunën, më 21 shkurt, pasi mbeti i bllokuar për pesë ditë në makinën e tij, e cila kishte rënë në një greminë 300 metra të thellë në rajonin Ardèche të Francës jugperëndimore.
Ai u zbulua nga një grup gjuetarësh, të cilët ndodheshin në zonë për të gjuajtur derra të egër. “Ai ishte ende brenda makinës, shumë i dobët, por i vetëdijshëm,” deklaroi Florian Giraud, një nga gjuetarët.
Pas njoftimit të gjuetarëve, zjarrfikësit mbërritën menjëherë në vendngjarje. Dymbëdhjetë shpëtimtarë punuan për orë të tëra për ta nxjerrë shoferin nga gremina. Më pas, ai u transportua me urgjencë në spitalin e Lyonit.
Shoferi, banor i rajonit Allier, kishte marrë plagë të rënda nga rënia. Sipas disa burimeve, ai ishte raportuar i zhdukur në polici. Aktualisht, ai ndodhet jashtë rrezikut për jetën.