Një 50-vjeçar me iniciale P. M. ka humbur jetën në Berat pasi ra aksidentalisht nga një skelë gjatë punimeve për rikonstruksionin e një banese. Ngjarja ndodhi rreth orës 11:00 të 12 shkurtit, në lagjen Uznovë.
Sipas policisë, dyshohet për rrëzim aksidental. Si pasojë e dëmtimeve të marra, P. M., 50 vjeç, humbi jetën.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes dhe dokumentimin e shkakut.