Murat Tafçiu, 52-vjeçar shqiptar me banim në Cavezzo, humbi jetën në një aksident pune në Modena të Italisë. Ngjarja ndodhi rreth orës 08:45 të mëngjesit të djeshëm, kur ai ra nga një skelë në një kantier ndërtimi në qendrën historike të qytetit.
Ekipet e emergjencës mbërritën menjëherë në vendngjarje, por Tafçiu kishte ndërruar jetë si pasojë e plagëve të rënda. Ngjarjen e panë kolegët e tij, të cilët njoftuan shërbimet e shpëtimit.
Autoritetet italiane kanë nisur hetimet për zbardhjen e rrethanave të aksidentit. Kompania e ndërtimit, me seli në Carpi, deklaroi se po bashkëpunon me institucionet dhe shprehu ngushëllimet për familjen e viktimës.
Tafçiu la pas katër fëmijë. Kryebashkiaku i Modenës, Massimo Mezzetti, u shpreh i pikëlluar dhe dërgoi ngushëllimet më të thella familjes dhe kolegëve të punëtorit.
Përditësime
Kryebashkiaku i Modenës, Massimo Mezzetti, shprehu ngushëllimet më të thella për familjen dhe kolegët e Murat Tafçiut. „I shpreh ngushëllimet më të thella familjes dhe kolegëve të punëtorit që humbi jetën mëngjesin e sotëm në një kantier ndërtimi në qendrën historike," tha ai.