Mëngjesin e 7 majit 2026, një 60-vjeçar banues në fshatin Kurilë të Devollit u gjet i pajetë në një lumë.
Viktima kishte shkuar për vizitë te të afërm në fshatin Vishocicë, ku kaloi mbrëmjen në një lokal deri në orët e vona.
Gjatë kthimit për në banesë, dyshohet se u rrëzua aksidentalisht nga një urë në lumë. Personat që ishin me të në lokal deklaruan se kishte konsumuar alkool, çka mund të ketë ndikuar në humbjen e ekuilibrit.
Forcat e policisë dhe grupi hetimor mbërritën në vendngjarje. Pas këqyrjes paraprake, ata e vlerësojnë ngjarjen si aksidentale.
Hetimet vazhdojnë, ndërsa ekspertiza mjeko-ligjore do të përcaktojë shkakun e saktë të vdekjes.