Emine Agolli, rreth 65 vjeçe, ka humbur jetën në fshatin Çërragë të Belshit pas një kafshimi nga qeni i një fqinji.
Ngjarja ka ndodhur këtë të mërkurë. Sipas informacioneve paraprake, gruaja është kafshuar në këmbë, duke pësuar gjakderdhje të rëndë. Pavarësisht ndihmës së menjëhershme dhe përpjekjeve për ta shpëtuar, ajo nuk ka mundur të mbijetojë plagëve.
Policia ka nisur veprimet hetimore ndaj pronarit të qenit për sqarimin e rrethanave të plota të ngjarjes dhe përcaktimin e përgjegjësive ligjore.
Hetimet vijojnë.
Përditësime
Banorët e zonës në Çërragë të Belshit rrëfyen se qeni i përkiste kunatës së viktimës Emine Agolli, të cilën ajo kishte shkuar ta vizitonte. Ajo u pengua dhe rrëzua pranë qenit të lidhur, i cili u tremb dhe e kafshoi.