Policia e Tiranës ka dhënë detaje për aksidentin që ndodhi më 17 mars në bulevardin Gjergj Fishta, pranë Gjykatës së Tiranës. Rreth orës 10:30, autoboti i UKT-së, drejtuar nga shtetasi A. B., rreth 52 vjeç, dyshohet se përplasi motomjetin elektrik me të cilin lëvizte shtetasja A. B., rreth 72 vjeçe. Viktima humbi jetën për pasojë.
Drejtuesi i automjetit u shoqërua në komisariat për veprime të mëtejshme procedurale. Grupi hetimor ndodhet në vendngjarje dhe po punon për zbardhjen e rrethanave të ngjarjes.
Materialet procedurale iu referuan Prokurorisë së Tiranës për veprime të mëtejshme.
Përditësime
Athina Bushi u identifikua si 72-vjeçarja e vrarë nga autobusi i UKT-së në Tiranë.
- Kamerat e sigurisë tregojnë se gruaja u pengua, ra në rrugë dhe u përplas me rrotat e pasme.
- Testi i drejtuesit rezultoi negativ për alkool.
- Drejtuesi deklaroi se nuk e kishte parë të moshuarën kur ajo ra.
- UKT shprehu ngushëllime dhe premtoi ndjekje të rreptë të hetimit.
Policia e Tiranës e arrestoi në flagrancë drejtuesin 52-vjeçar A. B..
Hetimet vazhdojnë, ndërsa priten rezultatet e ekspertizës auto-teknike.