Një aksident i rëndë trafiku ka ndodhur më 24 janar 2026, rreth orës 13:25, në rrugën Dah Polloshka të Gjakovës, në drejtimin për Prizren.
Si pasojë e aksidentit, një mashkull i moshës madhore, rreth 81 vjeç dhe drejtues i automjetit, ka mbetur i vdekur. Vdekja u konstatua në vendngjarje nga ekipet e emergjencës mjekësore.
Policia e rajonit të Gjakovës konfirmoi se njësitë policore mbërritën menjëherë në vend të ngjarjes. Njësia Rajonale e Trafikut Rrugor po vazhdon hetimet për zbardhjen e plotë të rrethanave.
Në koordinim me prokurorin e shtetit, është iniciuar rasti "Hetim i vdekjes". Trupi i pajetë i viktimës është dërguar për ekzaminim mjeko-ligjorë.
Përditësime
Vlera Krasniqi, zëdhënësja e Policisë Rajonale të Gjakovës, konfirmoi se drejtuesi humbi kontrollin e automjetit që u rrokullis buzë rrugës, sipas IndeksOnline.
Policia e Gjakovës arrestoi një mashkull të dyshuar për shkaktimin për pakujdesi të aksidentit fatal në rrugën Dah Polloshka, ku vdiq një 81-vjeçar. Aksidenti u shkaktua nga përplasja midis dy automjeteve, me veturën e viktimës që doli jashtë rrugës në një kanal-hendek. I dyshuari u vendos në ndalim policor.