Nën masa të rrepta sigurie, pasditen e kësaj fundjave do të nisë operacioni për transferimin e 90 të dënuarve me rrezikshmëri të lartë nga Institucioni i Ekzekutimit të Vendimeve Penale (IEVP) Fushë-Krujë drejt IEVP Peqin. Lëvizja do të realizohet me strukturën e specializuara të rendit dhe shërbimeve penitenciare për të garantuar rendin, sigurinë dhe mbarëvajtjen e procesit.
Ky transferim kryhet në kuadër të rishpërndarjes së të dënuarve dhe forcimit të masave të sigurisë në institucionet penitenciare. Burimet bëjnë të ditur se pritet të sjellë sfida në akomodimin dhe përshtatjen e të dënuarve në institucionin pritës, duke krijuar ngarkesë të shtuar për strukturat e IEVP Peqin.
Operacioni është planifikuar në çdo detaj, me eskortë të posaçme dhe zbatim të protokolleve të përforcuara të sigurisë. Autoritetet po marrin masa për menaxhimin e situatës dhe garantimin e standardeve ligjore të trajtimit të të dënuarve, që të mos cënohet rendi dhe siguria në institucion.
Transferimi ishte parashikuar të kryhej gjatë orëve të natës së mëparshme, por u shty për pasditen e sotme për arsye organizative.