Një aeroplan i vogël u përplas me një pallat në qytetin Belo Horizonte të Brazilit, duke shkaktuar vdekjen e dy personave nga pesë që ndodheshin në bord, sipas autoriteteve lokale dhe Departamentit të Zjarrfikësve.
Avioni goditi fillimisht një ndërtesë trekatëshe dhe më pas ra në parkingun e një kompleksi banimi. Banorë të zonës thanë se mjeti fluturues po lëvizte në lartësi shumë të ulët dhe se para përplasjes u dëgjua një zhurmë e fortë.
Disa dëshmitarë pretendojnë se piloti mund të ketë tentuar të shmangte një ndërtesë shkolle pranë zonës, por përfundoi duke u përplasur me pallatin. Autoritetet braziliane kanë nisur hetimet për të përcaktuar shkaqet e sakta të aksidentit.