Aeroplani privat Boeing 727 i financistit amerikan Jeffrey Epstein, i quajtur Lolita Express, është braktisur për gati një dekadë në një vend grumbullimi aeroplanësh në Brunswick, Georgia. Regjistruar me numrin N908JE, që i referohet inicialeve të pronarit të tij, sot duket i copëtuar dhe i mbushur me myk e insekte.
Dikur luksoz, aeroplani kishte dhomë gjumi, disa zona ulëse, kuzhinë dhe banjo. Tani interieri është i rrënuar, me gjurmë të kohës dhe sende personale të braktisura, si lodra për fëmijë dhe furça dhëmbësh të përdorura. Sipas prokurorëve, ai u përdor për të transportuar viktima të trafikimit seksual përreth botës dhe për të çuar figura të njohura politike dhe shoqërore.
Që nga fluturimi i fundit në 2016, motorët e tij janë hequr dhe nuk mund të fluturojë më. Aeroplani ka shndërruar në një kapsulë kohe që ruan prova vizuale të historisë së tij. Interieri mban mbetje si peshqirë të ndotur, sende personale dhe dokumente fluturimi.
Epstein u gjet i pajetë në 2019 në qeli federale në Manhattan, New York, rreth një muaj pasi u arrestua për akuza federale trafikim seksual të të miturve. Ai priste gjyqin, që mund ta dënonte me burgim të përjetshëm. Zyra e mjekësisë ligjore e cilësoi vdekjen si vetëvrasje me varje.