Aeroplani privat i Jeffrey Epstein, i bardhë, pa zhurmë dhe i dizajnuar për privatësi absolute, u përdor për udhëtime me miliarderë dhe figura të fuqishme.
Sipas dëshmive dhe dokumenteve gjyqësore, mediet ndërkombëtare e pagëzuan "Lolita Express" për akuzat e transportimit të vajzave të mitura dhe grave të reja në udhëtime të lidhura me rrethin e pushtetit, parave dhe ndikimit.
Brendësia përfshinte sedilje lëkure, ndriçim të ulët, hapësira private për pushim dhe një atmosferë luksore. Një imazh i regjistruar tregon Epstein duke marrë masazh këmbësh nga një grua e re me veshje të zbuluar, që sipas dëshmive pasqyronte klimën brenda avionit.
Në të njëjtat hapësira u identifikuan gra të reja të lidhura me botën e Victoria’s Secret, çka ngriti pyetje mbi aksesin e Epstein në rrethe të modës dhe biznesit.
Këto elemente trajtohen në serialin dokumentar "Victoria’s Secret: Angels and Demons", të drejtuar nga Mat Tirnauer. Prodhimi përdor materiale arkivore dhe dëshmi për të shqyrtuar rrjetin e marrëdhënieve të pushtetit rreth Epstein, me rigorozitet gazetaresk dhe verifikim faktesh.