Aeroporti Ndërkombëtar i Prishtinës “Adem Jashari” ka njoftuar për procedura të reja në procesin e udhëtimit, të cilat kanë hyrë në fuqi nga 1 prilli 2026. Këto ndryshime synojnë lehtësimin dhe përshpejtimin e fluturimeve.
Sipas njoftimit zyrtar, udhëtarët këshillohen të përdorin check-in online dhe të mbajnë kartën boarding pass në celular ose të shtypur. Pasagjerët pa bagazh të regjistruar mund të drejtohen direkt në portën e nisjes.
Aeroporti thekson nevojën për të qenë të pranishëm 3 orë para nisjes së fluturimit, për shkak të procedurave të imbarkimit dhe mbylljes së check-in-it. «Aeroporti u bën thirrje të gjithë pasagjerëve që të jenë në aeroport më herët dhe të respektojnë oraret e përcaktuara sipas politikave të linjave ajrore», thuhet në njoftim.
Gjatë check-in online, të dhënat personale dhe dokumentet e udhëtimit duhet të plotësohen saktë. Çdo mospërputhje, si një ndryshim shkronje në emër, mund të pengojë përdorimin e kioskeve dhe dorëzimin e bagazheve.
Përfitimet kryesore
• Anashkalimi i radhëve me karta boarding pass në celular ose të shtypura;
• Kalimi direkt në portë për pasagjerët pa bagazh të regjistruar;
• Shërbim i shpejtë për dorëzimin e bagazheve të regjistruara;
• Kursimi i kohës në aeroport.
Udhëtarët rekomandohen të informohen paraprakisht për fluturimet dhe të ndjekin udhëzimet e linjave ajrore.