Agim Ademi, kryetar i Federatës së Futbollit të Kosovës (FFK), ka dhënë sqarime për median Indeksonline në lidhje me ndeshjen midis përfaqësueseve të Kosovës dhe Turqisë, e cila zhvillohet këtë të martë në stadiumin Fadil Vokrri në Prishtinë.
Ademi ka mohuar praninë e ndonjë informacioni zyrtar për vizitën e presidentit turk, Recep Tayyip Erdoğan. Ai theksoi se FFK ndjek protokollin e UEFA-së dhe është në kontakt të vazhdueshëm me Federatën e Futbollit të Turqisë, por deri tani nuk ka marrë njoftim për ardhjen e tij.
"Ne kemi protokollin e UEFA-së dhe jemi në kontakt me Federatën e Futbollit të Turqisë, por deri tani nuk na kanë thënë asgjë që Erdogan do të vijë", u shpreh Ademi.
Sipas tij, pritet një numër i madh tifozësh turq, të cilët udhëtojnë me një ekspeditë prej dy aeroplanësh.
"Sigurisht se ka shumë njerëz që vijnë, ata vijnë me një ekspeditë prej 2 aeroplanash", deklaroi kryetari i FFK-së.