Një aksident me pasojë vdekjen është shënuar sot në aksin rrugor Elbasan–Peqin. Ngjarja ka ndodhur në fshatin Përparim, ku një mjet tip furgon ka përplasur një këmbësor.
Si pasojë e dëmtimeve të marra nga përplasja, viktima ka ndërruar jetë në vendngjarje. Identiteti i tij është konfirmuar nga autoritetet si shtetasi Agim Hoxha, 73 vjeç.
Grupi hetimor dhe forcat e Policisë ndodhen në vendin e aksidentit, ku po kryejnë veprimet e nevojshme procedurale për të dokumentuar rrethanat dhe për të përcaktuar shkaqet e sakta të këtij aksidenti fatal.
Përditësime
Policia e Shtetit bëri të ditur se aksidenti fatal ndodhi të premten, rreth orës 10:00, në aksin Elbasan-Peqin. Drejtuesi i mjetit është shoqëruar në komisariat për veprime të mëtejshme procedurale, ndërsa viktimë e ngjarjes mbeti një 73-vjeçar.