Një aksident rrugor me pasoja fatale ndodhi mëngjesin e sotëm në rrugën “Janaq Kilica” të qytetit të Elbasanit.
Specialistët e Qarkullimit Rrugor arrestuan në flagrancë shtetasin R. R., 26 vjeç, banues në Elbasan. Automjeti që ai drejtonte, në gjendje të dehur, doli nga rruga dhe u përplas me një pemë anësore.
Si pasojë e përplasjes, humbi jetën pasagjeri Nehat Uruçi, 21 vjeç, po ashtu banues në Elbasan. Drejtuesi i mjetit ndodhet jashtë rrezikut për jetën dhe u shoqërua nga policia.
Autoritetet po vijojnë hetimet për zbardhjen e plotë të shkaqeve të ngjarjes.