Një aksident rrugor ndodhi mbrëmjen e së martës, më 19 maj 2026, rreth orës 23:30 në aksin Thumanë-Laç. Automjeti i drejtuar nga shtetasi O. P., 20-vjeç, banues në Durrës, u përplas me automjetin e drejtuar nga shtetasi N. Gj., 56 vjeç.
Si pasojë e aksidentit, shtetasi N. Gj. humbi jetën. U dëmtuan gjithashtu tre pasagjerë të tjerë: P. Gj., 75 vjeç, M. Gj., 70-vjeçe dhe V. Gj., 56 vjeçe. Të tre personat e lënduar u transportuan në Spitalin e Traumës në Tiranë për ndihmë mjekësore.
Specialistët e Qarkullimit Rrugor arrestuan në flagrancë shtetasin O. P. për veprën penale të shkeljes së rregullave të qarkullimit rrugor. Materialet procedurale iu referuan Prokurorisë për veprime të mëtejshme.