Policia e Durrësit ka arrestuar në flagrancë 26-vjeçarin Arbër Xhaxhaj pas aksidentit rrugor të ndodhur mbrëmjen e 15 janarit 2026 te Ura e Dajlanit.
Si pasojë humbi jetën pasagjerja Vikena Greku, 18 vjeçe, ndërsa u lënduan dy këmbësorë dhe vetë shoferi.
Nga hetimet e Policisë Rrugore rezultoi se Xhaxhaj drejtonte automjetin në gjendje të dehur. Ai humbi kontrollin, mjeti u përplas me barrierat anësore të urës dhe ra prej saj. Ndaj tij rëndojnë veprat penale “Shkelja e rregullave të qarkullimit rrugor”, me pasojë vdekjen, dhe “Drejtimi i automjeteve në mënyrë të parregullt”.
Xhaxhaj ndodhet në kujdesin e mjekëve, jashtë rrezikut për jetën. Dy këmbësorët morën ndihmën e nevojshme mjekësore dhe u larguan në banesa.
Përditësime
Gjykata e Durrësit vendosi "arrest në burg" për Arbër Xhaxhaj me Vendimin Nr. 26 të 17.01.2026.
Seanca u zhvillua në Çështjen Nr. 26 Akti, më 17.01.2026 ora 10:00, me prokurore Matilda Fetau dhe gjyqtar Orgent Nazaj.