Një aksident rrugor ka ndodhur rreth orës 22:15 të datës 15 janar 2026, te Ura e Dajlanit në lagjen nr. 4 të Durrësit. Automjeti tip BMW X5, i drejtuar nga shtetasi A. Xh., 26 vjeç, banues në Fier, ka dalë nga rruga dhe ka rënë nga mbikalimi në një lartësi rreth 30 metrash.
Si pasojë e aksidentit, ka humbur jetën pasagjerja V. G., 18 vjeçe. Janë dëmtuar drejtuesi i mjetit A. Xh. si dhe dy këmbësorë:
• T. T., 33 vjeç;
• A. M., 35 vjeç.
Të plagosurit ndodhen në spital nën kujdesin e mjekëve. Disa burime raportojnë se drejtuesi është në gjendje kritike.
Forcat zjarrfikëse kanë ndërhyrë në vendngjarje për të nxjerrë të aksidentuarit nga automjeti i shkatërruar. Policia dhe grupi hetimor po punojnë për sqarimin e rrethanave dhe shkaqeve të aksidentit.
Burimet përmendin punime të fundit në urë, ku një korsi ka qenë e bllokuar, duke shkaktuar trafik të rënduar deri në hyrje të Portit të Durrësit. Kjo dyshohet si faktor i mundshëm, por hetimi do ta zbardhë.
Poshtë urës ndodhet një dyqan lulesh, mirëpo nuk raportohet për dëme të tjera ose persona të tjerë të lënduar.
Përditësime
Policia ka identifikuar viktimën si Vikena Greku (18 vjeç) dhe drejtuesin si Arbëri Xhaxhaj.
Dyshimet kryesore:
- A. Xh. dyshohet për drejtim nën ndikim alkooli.
- Shpejtësi rreth 300 km/h.
Automjeti përplasi me barrierat anësore para se të rrëzohej mbi dyqanin e luleve.
Policia e Shtetit konfirmoi se drejtuesi i mjetit kishte 0,5 mg/l alkool në gjak dhe lëvizte me shpejtësi mbi 130 km/h, jo 300 km/h siç raportohej fillimisht. Ai ngatërroi korsinë e plazhit me atë të portit dhe u përplas me ndarësen e trafikut.
Policia ka arrestuar në flagrancë Arbër Xhaxhaj për shkeljen e rregullave të qarkullimit rrugor me pasojë vdekjen dhe drejtimin e automjeteve në mënyrë të parregullt.
- Drejtuesi është jashtë rrezikut për jetën.
- Këmbësorët morën asistencë mjekësore dhe u larguan për në banesat e tyre.
Vikena Greku u varros sot në fshatin Dyshnik të Beratit.
Arbër Xhaxhaj mbërriti i prangosur në Gjykatën e Durrësit në gjendje të rëndë psikologjike. Ai pritet të dalë sot para gjykatës për vlerësimin e arrestit dhe caktimin e masës së sigurisë. Mjeti drejtohej nga Tiranë drejt Durrësit.