Një aksident rrugor ka ndodhur rreth orës 01:20 të datës 18 shkurt 2026, në autostradën Thumanë-Kashar. Dy automjete janë përplasur me njëri-tjetrin, si pasojë e së cilës ka humbur jetën drejtuesi i njërit prej tyre, shtetasi I. L., 48 vjeç.
Specialistët për Hetimin e Krimeve të Komisariatit të Policisë Krujë kanë arrestuar shtetasin I. I., 22 vjeç, drejtuesin e automjetit tjetër. Materialet procedurale i janë referuar Prokurorisë së Tiranës për veprime të mëtejshme.
Në njoftimin zyrtar thuhet: “Specialistët për Hetimin e Krimeve të Komisariatit të Policisë Krujë arrestuan shtetasin I. I., 22 vjeç, pasi më datë 18.02.2026, rreth orës 01:20, në autostradën “Thumanë-Kashar”, automjeti që drejtonte është përplasur me automjetin me drejtues shtetasin I. L., 48 vjeç dhe si pasojë ka humbur jetën 48-vjeçari.”
Hetimet vijojnë për zbardhjen e rrethanave të plota të ngjarjes.