Në një aksident rrugor në Francë ka humbur jetën shtatë tifozë të klubit grek PAOK, mes të cilëve një qytetar shqiptar. Automjeti me të cilin udhëtonin u përplas me një kamion, ndërsa ata drejtoheshin për të ndjekur ndeshjen e Ligës së Europës mes Olimpik Lion dhe PAOK.
Ky incident ndodhi në prag të takimit të luajtur në stadiumin e Lionit. UEFA vendosi mbajtjen e një minutë heshtjeje para nisjes së ndeshjes, në nderim të viktimave.
Skuadrat e të dyja ekipeve, si dhe tifozeritë në të dy krahët, i kujtuan viktimat me parulla nderimi gjatë ceremonisë.