Në Rumani ka ndodhur një aksident rrugor fatal me një furgon që transportonte tifozë të skuadrës greke PAOK. Ngjarja ndodhi ndërsa ata udhëtonin për të ndjekur ndeshjen e skuadrës në Francë.
Furgoni i zi, ku ndodheshin 10 persona, kryente manovra të rrezikshme dhe një parakalim të gabuar, duke u përplasur me një kamion. Pas përplasjes së fortë, furgoni u hodh në ajër dhe përfundoi i shkatërruar në anën e rrugës.
Rezultati i aksidentit është 7 viktima dhe 3 të plagosur rëndë. Mes pasagjerëve identifikohen dy shqiptarë: Genci Sadiku dhe Vasil Palo. Autoritetet nuk kanë konfirmuar ende nëse ata janë mes viktimave apo të plagosurve.
Momenti i aksidentit është regjistruar nga kamerat e sigurisë. Pamjet tregojnë qartë manovrat e furgonit para përplasjes.