Një aksident i rëndë rrugor ka ndodhur të martën, rreth orës 13:00, në autostradën E70/DN6, mes qyteteve Caransebeș dhe Lugoj, në qarkun Timiș të Rumanisë perëndimore. Minibusi me 10 pasagjerë, të gjithë tifozë të klubit grek PAOK, u përplas ballë për ballë me një kamion pas një manovre parakalimi.
Sipas mediave rumune dhe greke, përplasja mori jetën e shtatë personave, ndërsa tre të tjerë u plagosën rëndë dhe u dërguan në spital nën kujdes intensiv. Pasagjerët, kryesisht të moshës 28-30 vjeç, ishin nisur nga zona si Katerini, Aleksandria në Imathia dhe Selaniku, për të ndjekur ndeshjen e Europa League mes PAOK-ut dhe Olympique Lyonit. Ata zgjodhën rrugën përmes Bullgarisë, Rumanisë dhe Hungarisë për të shmangur pritjet në kufijtë jo-anëtarë të BE-së.
Detajet e aksidentit
Sipas disa raportimeve, aksidenti përfshiu katër automjete: minibusi, një kamion (ndonjëherë specifikohet si cisternë ose TIR) dhe dy makina pasagjerësh. Pamjet nga kamerat e sigurisë tregojnë momentin e përplasjes. Autoritetet rumune kanë nisur hetimet për shkaqet, duke shqyrtuar shpejtësinë, kushtet e rrugës dhe dinamikën e manovrës.
Një burim raporton 10 viktima, por shumica e mediave rumune dhe greke konfirmojnë shtatë të vdekur dhe tre të plagosur.
Reagimet zyrtare
Ambasada greke në Bukuresht ka dërguar ekip në vendngjarje për të ndihmuar me procedurat dhe për të monitoruar të plagosurit. Ministria e Punëve të Jashtme greke konfirmon bashkëpunimin me autoritetet rumune. Kryeministri grek Kyriakos Mitsotakis shprehu ngushëllimet në rrjetet sociale. Klubi PAOK pritet të dalë me një deklaratë zyrtare.
Përditësime
Raportet identifikojnë dy shqiptarë në minibusi: Genci Sadiku dhe Vasil Palo; të paktën njëri është konfirmuar si viktimë.
- Klubi PAOK ka shpallur zi zyrtare dhe premton të mbulojë shpenzimet për kthimin e trupave dhe ndihmën për të plagosurit.
- UEFA refuzoi kërkesën për anulimin e ndeshjes.
- Minibusi u mor me qira nga një kompani në Edessa dhe drejtohej nga tifozët me radhë.
- Gjashtë viktima vdiqën në vendngjarje, një gjatë transportit; helikopterët nuk ndërhynë për shkak të motit të keq.
Ministria e Jashtme e Shqipërisë konfirmoi Vasil Palon si një nga shtatë viktimat dhe Genci Sadikun si të plagosur jashtë rrezikut në aksidentin në Rumani.
- Sadiku vuan kontuzion, traumë në kolonë dhe tronditje. Ai kontaktoi Ambasadën Greke.
- Palo banonte në Alexandrinë e Imathias dhe ishte tifoz i PAOK-ut.
- Të plagosurit po transportohen nga Lugoj në Spitalin e Qarkut Timişoara.
- Shoferi i kamionit është i plagosur rëndë.
- Një dëshmitar përshkroi parakalimin që çoi në përplasje.
Policia rumune konfirmoi identifikimin e Vasil Palo, tifoz i PAOK-ut që jetonte në Aleksandria e Imathias dhe humbi jetën në aksident.
Shpërndarja e viktimave dhe plagosurve: 5 nga Aleksandria e Imathias, 2 nga Katerini, 3 nga Selaniku.
Një i plagosur me dëmtime të lehta njoftoi autoritetet për aksidentin.
Dhjetëra tifozë të tjerë të PAOK-ut u kthyen në Greqi.
Detajet e aksidentit: Autobusi përplasi fillimisht me një kamion-cisternë gjatë rikthimit në korsi, pastaj kaloi në krahun e kundërt dhe u përplas me një TIR tjetër.
- Një nga tre të plagosurit ndodhet në gjendje kritike në spital.
- Të dhënat GPS tregojnë kohë totale udhëtimi pa ndalesa 21 orë 56 minuta, me 17 orë 16 minuta të mbetura drejt Lyonit në momentin e aksidentit.
Mjeku grek Dimitris Koukoulas deklaroi për ERT se timoni i minibusit u bllokua gjatë parakalimit për shkak të sistemit Lane Assist. Autoritetet rumune thonë se shkaku mbetet për t’u sqaruar, ndërsa pamjet tregojnë sinjal të ndezur.
Genci Sadiku, mbijetuar, tha: "Nuk e di si jam gjallë, por jam mirë. Do të kthehem në Shqipëri".
- Panagiotis Girinis, kryetari i bashkisë së Aleksandrisë, konfirmoi 3 viktima nga qyteti i tij (25-27 vjeç) dhe 1 nga Pieria.
- Shërbimi zjarrfikës rumun raportoi ndërhyrje në orën 13:05 me ambulancë, mjet nxjerrjeje dhe zjarrfikëse; konfirmoi 4 automjete të përfshira: kamion, autocisternë, minibus 8+1 dhe automjet pasagjerësh.
- Adonis Georgiadis, ministri grek i Shëndetësisë, tha se është në kontakt me homologun rumun dhe Greqia ofron ndihmë.
Bukuresht - Zhvillime të reja në aksidentin fatal ku humbën jetën shtatë tifozë të PAOK-ut:
• Autocisternë e aksidentuar transportonte alkool.
• Mbijetari ka gjendje më të mirë se dy të tjerët, me fraktura kryesisht në gjymtyrët e poshtme.
• Familjarët e viktimave mbërritën në Rumani për identifikimin e trupave.
Vasil Pilo ishte tifoz i PAOK-ut dhe merrte pjesë në të gjitha ndeshjet e skuadrës, sipas miqve të tij.
Trupat e 7 viktimave të PAOK-ut riatdhesohen nesër në Selanik.
Zhvillimet për të plagosurit:
- Një i plagosur transportohet në Selanik.
- Një tjetër ka lënë spitalin.
- I treti mbetet në Rumani për operacion kirurgjik sot.