Një aksident tragjik me pasojë vdekjen është regjistruar mëngjesin e së hënës, 15 qershor, në aksin rrugor Rrëshen-Reps, pjesë e Rrugës së Kombit. Sipas njoftimit zyrtar të policisë, ngjarja ka ndodhur në afërsi të fshatit Gëziq.
Shtetasi Kujtim Aliu, 46 vjeç, ishte duke udhëtuar me autobus dhe, pasi ka zbritur nga mjeti, ka tentuar të kalojë në anën tjetër të autostradës. Në atë moment, ai është përplasur nga një automjet që drejtohej nga shtetasja N.R., gjithashtu nga Kosova. Përplasja ka qenë fatale për 46-vjeçarin, i cili nuk ka arritur t'u mbijetojë plagëve dhe ka ndërruar jetë gjatë transportimit për në spital.
Drejtuesja e automjetit është shoqëruar nga forcat e policisë në Komisariat për kryerjen e veprimeve të mëtejshme procedurale. Ndërkohë, grupi hetimor po punon për zbardhjen e plotë të rrethanave dhe shkaqeve që çuan në këtë ngjarje.
Përditësime
Hetimet e Policisë së Shtetit zbardhën se në aksident është përfshirë një fuoristradë. Viktima 46-vjeçare u dërgua për ndihmë mjekësore të specializuar në Spitalin e Traumës, Tiranë.