Një ngjarje tragjike ka ndodhur mëngjesin e së hënës në Rrugën e Kombit, ku ka humbur jetën 46-vjeçari Kujtim Aliu, banues në Pejë. Sipas raportimeve, Aliu ka qenë duke ushtruar detyrën e tij si kondukter në një linjë autobusësh në momentin kur është goditur për vdekje nga një veturë.
Linja e autobusëve ku ai punonte ka publikuar një mesazh ngushëllimi për familjarët dhe të afërmit e viktimës. Në telegram, kolegët e kanë përshkruar Kujtim Aliun si një njeri punëtor, të ndershëm dhe shumë të respektuar, duke theksuar se humbja e tij e parakohshme i ka tronditur thellë.
Institucionet përkatëse ende nuk kanë dhënë detaje shtesë në lidhje me rrethanat specifike të këtij aksidenti.