Një ngjarje tragjike ka ndodhur ditën e mërkurë në bregdetin e Shëngjinit, ku dy të rinj nga Kosova humbën jetën pasi u rrëmbyen nga rrymat e forta detare në plazhin e Ranës së Hedhun.
Viktimat, Leonit Aliu (21 vjeç) dhe Jetmir Binaku (22 vjeç), ndodheshin në det së bashku me tre bashkëmoshatarë të tjerë në momentin kur kushtet e vështira të detit rezultuan fatale. Pavarësisht përpjekjeve për t’i shpëtuar, të dy të rinjtë nuk arritën të mbijetonin. Tre të rinjtë e tjerë të grupit janë nxjerrë nga uji dhe aktualisht ndodhen nën kujdesin e stafit mjekësor.
Leonit Aliu, një prej viktimave, ishte një figurë e njohur në botën e sportit, pasi në të kaluarën kishte qenë pjesë e ekipit të futbollit KF Fushë Kosova. Ndërsa viktima tjetër, Jetmir Binaku, ishte me origjinë nga fshati Gllobar i Drenasit.
Përditësime
Autoritetet kanë konfirmuar identitetin e tre personave të tjerë të shpëtuar gjatë operacionit në Shëngjin: Dion Myftari, Arbër Beqaj dhe Drilon Rrustemi. Shpëtimi u mundësua nga ndërhyrja e qytetarëve me mjete Jet Ski në koordinim me forcat policore. Më herët, u konfirmua se viktimat e këtij incidenti janë Leonit Aliu, 22 vjeç, nga Fushë-Kosova, dhe Jetmir Binaku, 23 vjeç, nga Prishtina.