Sot, më 5 qershor 2026, familjarët, miqtë dhe të afërmit i japin lamtumirën e fundit Jetmir Binakut dhe Leonit Aliut, të cilët humbën jetën gjatë një incidenti tragjik në bregdetin e Shëngjinit.
Ceremonia e varrimit për Jetmir Binakun zhvillohet në orën 14:00 në varrezat e fshatit Gllobar të Drenasit. Ndërkaq, Leonit Aliu do të përcillet për në banesën e fundit në orën 15:00, në fshatin Rezallë, në lagjen Aliu.
Ngjarja tragjike ndodhi të mërkurën, kur grupi i të rinjve nga Kosova hyri në det. Sipas informacioneve, ata dyshohet se u morën nga rrymat dhe dallgët e forta, çka bëri që dy prej tyre të humbasin jetën, ndërsa personat e tjerë që ishin pjesë e grupit kërkuan ndihmë mjekësore.