Një aksident i trefishtë është regjistruar sot paradite në aksin rrugor Maqellarë–Peshkopi, mbi urën e fshatit Pesëjakë.
Tre automjete janë përplasur mes tyre. Sipas të dhënave paraprake, dy prej tyre lëviznin në drejtim të qytetit të Peshkopisë, ndërsa i treti dyshohet se ka hyrë nga një degëzim i rrugës nacionale, duke shkaktuar përplasjen. Një nga automjetet ka dalë pjesërisht nga rruga dhe ka ndaluar pak para rënies në përrua.
Si pasojë, tre drejtuesit e mjeteve kanë pësuar lëndime. Rrethanat e sakta ende nuk dihen plotësisht, ndërsa policia pritet të mbërrijë në vendngjarje për të sqaruar shkaqet.
Ky segment rrugor njihet si një nga më problematikët në zonë, me aksidente të shpeshta të regjistruara.