Një aksident rrugor me pasojë vdekjen e një personi është regjistruar rreth orës 10:45 të 24 prillit 2026, në rrugën "Llazi Miho" të zonës Kombinat në Tiranë.
Sipas informacioneve paraprake, kamioni me drejtues G. Gj., rreth 34 vjeç, është përplasur me motoçikletën e drejtuar nga Ylmi Dedja, 61 vjeç. Viktima ka humbur jetën në vend.
Nga përplasja është dëmtuar edhe shtetasi K. A., këmbësor dhe punonjës policie jashtë detyre, i cili po merr ndihmë mjekësore në spital.
Policia ka shoqëruar drejtuesin e kamionit G. Gj. në komisariat për veprime procedurale. Grupi hetimor ndodhet në vendngjarje dhe po punon për zbardhjen e rrethanave të aksidentit.
Materialet procedurale janë referuar Prokurorisë së Tiranës për veprime të mëtejshme.