Një aksident trafiku ka ndodhur pasditen e sotme në Fushë-Kosovë, ku një tren është përplasur me një automjet civil. Lajmi është konfirmuar zyrtarisht nga autoritetet policore këtë të enjte, më 6 gusht 2026. Sipas zëdhënëses së Policisë së Kosovës për rajonin e Prishtinës, Flora Ahmeti, informacioni për këtë ngjarje është pranuar rreth orës 16:20. Si pasojë e përplasjes, është konfirmuar se një person ka pësuar lëndime trupore. Përfaqësuesja e policisë theksoi se me zbardhjen e rrethanave dhe shkaqeve të këtij aksidenti është duke u marrë Njësiti i Trafikut Rajonal, ndërsa policia po ndërmerr veprimet e nevojshme hetimore për sqarimin e plotë të dinamikës së rastit.
Përditësime
Policia ka konfirmuar se treni i linjës Prishtinë-Pejë është përplasur me një automjet në Fushë-Kosovë. Nga aksidenti janë shkaktuar dëme të konsiderueshme materiale.