Një aksident automobilistik është regjistruar këtë të diel në aksin rrugor Divjakë–Tre Urat, në rrugët e brendshme të fshatit Gërmenj. Ngjarja ka ndodhur si pasojë e një përplasjeje ballë për ballë mes dy automjeteve, një tip Audi dhe një Toyota.
Edhe pse segmenti rrugor në fjalë është një rrugë rurale me një kufi të lejuar shpejtësie prej 30 km/h, impakti ka qenë i fortë. Sipas të dhënave paraprake, shkaku i përplasjes dyshohet të jetë pakujdesia dhe manovrat e gabuara të drejtuesve të mjeteve në rrugën e ngushtë të zonës.
Si pasojë e këtij aksidenti, disa persona kanë pësuar lëndime trupore. Ekipet e urgjencës kanë mbërritur menjëherë në vendngjarje, duke bërë të mundur transportimin e dy prej të plagosurve drejt Qendrës Shëndetësore të Divjakës për të marrë trajtimin e nevojshëm mjekësor.
Përditësime
Nuk raportohen të lënduar rëndë nga përplasja e dy automjeteve në aksin Divjakë-Tre Urat. Grupi hetimor i Policisë Rrugore po punon për zbardhjen e rrethanave të ngjarjes. Për shkak të fluksit të lartë të pushuesve drejt zonave bregdetare, në këtë segment është krijuar trafik i rënduar.