Një aksident rrugor është regjistruar mëngjesin e sotëm në aksin Gjirokastër-Tepelenë, në afërsi të vendit të quajtur Subash. Një automjet tip Seat me targa të Kosovës ka dalë nga rruga dhe ka përfunduar në një fushë anësore.
Në automjet udhëtonte një çift, të cilët kanë mbetur të plagosur si pasojë e aksidentit. Pas ndërhyrjes, ata janë transportuar në urgjencën e Spitalit Rajonal "Omer Nishani" për të marrë ndihmën e nevojshme mjekësore. Burime konfirmojnë se të lënduarit ndodhen jashtë rrezikut për jetën.
Shërbimet e Policisë kanë mbërritur në vendngjarje dhe kanë nisur hetimet për të zbardhur shkaqet dhe rrethanat e plota të ngjarjes.