Një aksident rrugor është regjistruar sot në aksin Gramsh-Maliq, në dalje të fshatit Moglicë. Një karrotrec që transportonte një eskavator ka devijuar nga rruga dhe ka përfunduar në kanal ose anë të saj.
Sipas informacioneve paraprake, dyshohet se drejtuesi i mjetit ka humbur kontrollin, çka ka bërë që eskavatori i vendosur mbi platformë të rrëzohet. Dëmet materiale janë të konsiderueshme, ndërsa fatmirësisht nuk raportohen lëndime të rënda te drejtuesi apo personi tjetër që udhëtonte me të.
Policia ka mbërritur në vendngjarje dhe po punon për zbardhjen e rrethanave të aksidentit. Qarkullimi në këtë segment rrugor është përkohësisht i vështirësuar, ndërsa autoritetet po angazhohen për normalizimin e tij.