Një aksident rrugor ka ndodhur në aksin Kurjan–Roskovec, ku një shtetas 62-vjeçar me iniciale S.H. ka mbetur i dëmtuar. Sipas njoftimit zyrtar të Policisë, aksidenti ka ndodhur ndërsa shtetasi S.H. ishte duke drejtuar një motomjet, i cili është përplasur me një mjet teknologjik (pirun ngritës) që drejtohej nga një shtetas 34-vjeçar me iniciale J.F.
Si pasojë e përplasjes, 62-vjeçari ka pësuar lëndime në këmbë. Për shkak të nevojës për marrjen e ndihmës së specializuar mjekësore, ai është transportuar me urgjencë drejt Spitalit të Traumës në Tiranë. Grupi hetimor ndodhet në vendngjarje dhe po punon për dokumentimin dhe zbardhjen e plotë të shkaqeve dhe rrethanave të këtij aksidenti.