Mbrëmjen e 25 prillit 2026, rreth orës 23:20, në aksin rrugor Librazhd–Elbasan, në fshatin Labinot, ndodhi një aksident i rëndë rrugor.
Një motomjet, i drejtuar nga shtetasi A. K., 45-vjeç, doli nga rruga në rrethana ende të paqarta. Për pasojë, drejtuesi i mjetit u transportua me urgjencë në spital, ku nuk mundi t’i mbijetojë plagëve të marra.
Në motomjet udhëtonte edhe bashkëshortja e tij, shtetasja F. K., e cila ka pësuar dëmtime të lehta dhe ndodhet jashtë rrezikut për jetën.
Në vendngjarje mbërriti menjëherë grupi hetimor i policisë, i cili po punon për zbardhjen e plotë të rrethanave dhe përcaktimin e shkaqeve të aksidentit.