Një aksident rrugor ka ndodhur sot në qendër të qytetit të Beratit, në aksin rrugor Axhensi-ish-Merkata. Një automjet tip Volkswagen Golf, që dyshohet se lëvizte me shpejtësi, ka goditur një këmbësor 60-vjeçar teksa po kalonte rrugën.
I plagosuri u transportua menjëherë me ambulancë në Spitalin Rajonal të Beratit. Ai fillimisht u fut në sallën e operacionit për një goditje në kokë, ndërsa më pas u dërgoi në repartin e urgjencës, ku ndodhet nën kujdesin e mjekëve.
Në vendngjarje mbërritën forcat e policisë rrugore. Ato po kryejnë inspektimin e zonës dhe po shqyrtojnë pamjet e kamerave të sigurisë së bizneseve për të sqaruar rrethanat e ngjarjes.
Drejtuesi i mjetit, një 20-vjeçar, është shoqëruar në polici për të dhënë dëshminë e tij lidhur me aksidentin.