Pasditen e të dielës, 3 majit 2026, në Durrës, një automjet përplasi tre fëmijë që luanin në trotuar. Mjeti, i drejtuar nga Nikoll Radaçi, 57-vjeçar, humbi kontrollin.
Si pasojë, dy fëmijë ndërruan jetë në vendngjarje, ndërsa një i mitur tjetër mbeti i plagosur rëndë dhe u transportua në Spitalin e Traumës në Tiranë. Një fëmijë i katërt shpëtoi pa lëndime.
Ministria e Shëndetësisë njoftuan se i mituri ndodhet në gjendje të rëndë për shkak të dëmtimeve të shumta, por është koshient. «I mituri ndodhet aktualisht në Spitalin e Traumës. Gjendja e tij është e rëndë, pasi ka dëmtime të shumta. I mituri është koshient», thuhet në njoftimin zyrtar.
Drejtuesi Nikoll Radaçi u largua menjëherë nga vendngjarja duke braktisur mjetin, por u arrestua më vonë nga policia. Burime bëjnë të ditur se dyshohet se ka qenë nën efektin e alkoolit.