Gjatë natës, në Gjorëm të Laçit, ka ndodhur një aksident rrugor ku një automjet ka devijuar nga rruga dhe është përplasur me barrierat anësore.
Si pasojë e përplasjes, tre të rinj – shoferi dhe dy pasagjerët – kanë pësuar lëndime dhe janë transportuar me urgjencë në Spitalin e Traumës për ndihmë mjekësore.
Dyshohet se drejtuesi i mjetit ka qenë nën efektin e alkoolit në momentin e aksidentit. Policia ka mbërritur në vendngjarje dhe ka nisur hetimet për zbardhjen e rrethanave, duke kryer verifikime për nivelin e alkoolit në gjakun e shoferit.