Një aksident rrugor u regjistrua pasditen e së mërkurës në qendër të Laçit, pranë bashkisë.
Ngjarja ndodhi rreth orës 17:00, kur dy automjete përplasen me njëra-tjetrën. Një mjet drejtohej nga shtetasi B. N., ndërsa tjetri nga shtetasi A. P..
Si pasojë, drejtuesi A. P. dhe dy pasagjerët e tij mbetën të plagosur. Të tre u transportuan me urgjencë në Spitalin e Traumës në Tiranë për ndihmë mjekësore të specializuar.
Sipas policisë, të plagosurit ndodhen paraprakisht jashtë rrezikut për jetën. Grupi hetimor vazhdon punën në vendngjarje për zbardhjen e shkaqeve të aksidentit.
Njoftimi zyrtar i policisë:
"Rreth orës 17:00, në qytetin e Laçit, një automjet me drejtues shtetasin B. N. është përplasur me një automjet tjetër me drejtues shtetasin A. P.. Si pasojë e aksidentit, drejtuesi i mjetit, shtetasi A. P., dhe dy pasagjerët që ndodheshin me të janë dërguar në Spitalin e Traumës në Tiranë për ndihmë mjekësore më të specializuar. Paraprakisht, ndodhen jashtë rrezikut për jetën. Grupi hetimor ndodhet në vendngjarje dhe po punon për zbardhjen e shkaqeve të aksidentit."