Një aksident rrugor është regjistruar mëngjesin e sotëm në rreth-rrotullimin e Kolonjës. Një automjet tip Audi, i cili drejtohej nga një grua, ka humbur kontrollin, ka dalë nga rruga dhe është përplasur me një pemë në anë të saj.
Në automjet udhëtonin gjithsej tre persona. Të gjithë të lënduarit janë dërguar menjëherë në spitalin e Lushnjës për të marrë ndihmën e nevojshme mjekësore. Sipas informacioneve paraprake, ata ndodhen nën kujdesin e mjekëve dhe janë jashtë rrezikut për jetën.
Grupi hetimor ndodhet në vendngjarje për të zbardhur rrethanat dhe shkaqet e aksidentit, të cilat mbeten ende të paqarta.