Një aksident ka ndodhur mbrëmjen e të dielës në aksin rrugor Tri Urat – Lushnjë, ku një mjet tip BMW është përplasur me një kalë që ka dalë papritmas në rrugë.
Për pasojë e përplasjes, kafsha ka ngordhur në vend, ndërsa bashkëshortja e drejtuesit të mjetit është transportuar me urgjencë në Spitalin e Lushnjës për ndihmë mjekësore. Drejtuesi i mjetit, sipas Policisë Rrugore të Lushnjës, nuk ka pasur mundësi të manovronte për të shmangur aksidentin.
Automjeti ka pësuar dëme të mëdha materiale, siç tregojnë pamjet nga vendngjarja.
Rreziku në aksin rrugor
Ky aks rrugor nacional, që lidh Lushnjën me Grabjanin dhe Çermën, konsiderohet veçanërisht i rrezikshëm gjatë errësirës. Në të dyja anët e rrugës ka barriera hekuri, por ato nuk pengojnë kalimin e kafshëve, duke krijuar rrezik të lartë për aksidente.