Një aksident rrugor ka ndodhur pasditen e 19 prillit 2026 në zonën e Qafë-Gjashtë, në hyrje të qytetit të Sarandës, ku janë përplasur dy automjete tip Audi.
Në aksident janë përfshirë mjeti me targa AB 261 JO, me drejtues Erjon Hamzaj, 40 vjeç, dhe mjeti me targa AB 777 VF, me drejtuese Albana Kuka, 38 vjeçe.
Si pasojë e përplasjes, ka mbetur i plagosur Erjon Hamzaj, i cili ka marrë fillimisht ndihmën e parë në urgjencën e Spitalit të Sarandës dhe më pas është transportuar në Spitalin Universitar të Tiranës për mjekim të specializuar.
Burimet mjekësore njoftojnë se 40-vjeçari ndodhet jashtë rrezikut për jetën.
Policia ka nisur hetimet për të përcaktuar shkaqet dhe rrethanat e aksidentit.