Një aksident rrugor ka ndodhur mbrëmjen e së shtunës në rrugën Karl Topia në Sarandë. Automjeti tip Toyota me targa AB 054 SH, me drejtues Ervin Oruçi nga Ksamil, ka humbur kontrollin dhe ka dalë nga rruga rreth orës 22:00.
Si pasojë e aksidentit kanë mbetur të plagosur lehtë dy pasagjerët: Albion Qendra, 22 vjeç nga Ksamili, dhe Vlavi Aliu, 21 vjeç nga Tirana. Të dëmtuarit kanë marrë ndihmë mjekësore në spitalin e Sarandës dhe më pas kanë lënë spitalin për të shkuar në banesë.
Policia e qarkullimit ndodhet në vendngjarje dhe po kryen veprimet e para hetimore për të përcaktuar shkaqet e ngjarjes.