Një aksident rrugor është regjistruar gjatë pasdites së 5 qershorit 2026 në rrugën "Gjergj Araniti" në Sarandë. Si pasojë e përplasjes së dy automjeteve, njëri prej tyre është përmbysur në mes të rrugës.
Drejtuesi i mjetit të përmbysur ka pësuar dëmtime të lehta dhe ndodhet jashtë rrezikut për jetën, ndërsa është dërguar për kontroll mjekësor. Përplasja ka shkaktuar bllokimin e përkohshëm të lëvizjes në njërin sens të rrugës, duke vështirësuar qarkullimin.
Efektivët e Policisë ndodhen në vendin e ngjarjes dhe po punojnë për të përcaktuar shkaqet dhe rrethanat e plota të aksidentit.