Një aksident rrugor u regjistrua në rrugën nacionale Sarandë-Delvinë, në afërsi të fshatit Stjar, përballë fshatit Mavropull.
Automjeti tip Toyota, me targë AB196PI, i drejtuar nga shtetasi Fatmir Kuçi, doli nga rruga dhe përfundoi i përmbysur në kanal.
Si pasojë, mbetën të dëmtuar drejtuesi Fatmir Kuçi dhe pasagjerja Kano Kuçi. Ambulanca e Sarandës i transportoi të plagosurit në urgjencë për ndihmë mjekësore.
Sipas mjekëve, ata kanë pësuar lëndime të lehta dhe ndodhen jashtë rrezikut për jetën.
Shërbimet e Qarkullimit Rrugor të Sarandës mbërritën në vendngjarje dhe po kryejnë veprimet procedurale. Paraprakisht, dyshohet se drejtuesi mund të ketë qenë në gjendje të dehur.